Carlos II kan Inglaterra
![](http://upload.wikimedia.org/wikipedia/commons/thumb/5/51/King_Charles_II_by_John_Michael_Wright_or_studio.jpg/250px-King_Charles_II_by_John_Michael_Wright_or_studio.jpg)
![](http://upload.wikimedia.org/wikipedia/commons/thumb/0/0a/CharlesIISig.svg/250px-CharlesIISig.svg.png)
Si Carlos II (Palasyo kan St. James, Londres, 29 Mayo 1630 - Palayo kan Whitehall, Londres, 6 Pebrero 1685) hade kan Inglaterra, Escocia asin Irlanda. Siya hade kan Escocia poon 1649 sagkod pagkahale sa pwesto kan 1651, asin hade kan Inglaterra, Escocia asin Irlanda poon 29 Mayo kan 1660 sagkod sa saiyang pagkagadan.[1]
An saiyang ama, si Carlos I, pinagbitay sa Whitehall kan 30 Enero 1649 kan nagputok an Gera Sibil Ingles. Maski ngane an Parlamento kan Escocia pigprokalamar kan 5 Pebrero 1649 na hade si Carlos II, mismo an Inglaterra nag'agi sa periodong inapod na Kumonwelt asin an nasyon nagin republikang de facto, pinamayohan ni Oliver Cromwell. Sa Batalya nin Worcester kan 3 Septyembre 1651, nadaog ni Cromwell si Carlos II asin ini duminulag pasiring dagang Europa kun saen nagpalipot-lipot ngona nin siyam na taon. Si Cromwell nagin diktador na haros kan Inglaterra, Escocia asin Irlanda. Alagad kan magadan si Cromwell kan 1658, nagka-krisis sa Inglaterra asin nagresulta sa pagbalik kan monarkiya. Si Carlos II inagda na magbalik sa Inglaterra. Kan 29 Mayo 1660, sa ika-30 niyang kamundagan, si Carlos II rinisebi sa Londres sa maogmang pagsabat. Sa pagkatukaw niya giraray komo hade, an gabos na dokumento pinagpetsahan na garo mansana baga siya tolos nagsalida sa saiyang ama poon kan taon 1649.[2]
Nagadan si Carlos II sa edad na 54 na pighuruna kan panahon na idto na siya hinilo. Alagad, sa modernong pag'adal kan mga sintomas niya, siya pigtutubod na dinugo sa bato(uraemia).[3]
Toltolan
[baguhon | baguhon an source]]